Stelli          

                                                               (Mammi chi piegnini fiddoli molti cioani… a vint’anni!)      

… E tu ài aspittatu la notti

a asciuttatti li làgrimi e lu pientu

illu stridóri siccu

d’una bucca

chi celtu no à bramatu

di tantu rancicóri

un sólu pinsamentu.

E ài postu infattu cu l’occhji

li débbili schinchiddi

chi da la ciminea

una infatt’a l’alta si so pisati

a gagnà lu paradisu

cu la spiranza di ‘idénni

una più luciósa

chi pudessia riflittì

la màggjina fidéli di li tó’ dì…

…li dì di fióri e rósi

chiddi di branu intratu

illa tó’ colti ‘ìa

undi pa’ una maìa

comu si mai e mai s‘idìa

fittianu

Deu sempri pusatu.

E abà chena làccana cùrrini

li pinsamenti

a sighì li stélli lùccichi illu céli…

… céli di libbaltai chena fini

di chissu mundu nuali d’àgnuli e sireni

und’alloggja lu spantu

e l’ìntimu disiciu di la ‘iritai.

STELLE

… E tu/hai aspettato la notte/per asciugarti le lacrime/ed il pianto/sulla pelle arida/di una bocca/che certo non ha bramato/di tanta amarezza/un solo pensiero./Ed hai seguito/con gli occhi/le deboli faville/che dal camino/una dietro l’altra/si sono alzate/per guadagnare il paradiso/con la speranza di vederne/una più luminosa /che potesse riflettere/l’immagine fedele/dei tuoi giorni migliori…/.. i giorni di fiori e rose/quelli della primavera inoltrata/nel tuo giardino vivo/dove per magia/come una volta/si vedeva, costantemente,/Dio/sempre presente./E ora/senza confini corrono/i tuoi pensieri/inseguendo stelle luminose/nel cielo…/… cielo di libertà senza fine/di quel giovane mondo/di angeli e sirene/dove tutto è meraviglia/e dove vive quell’intimo desiderio/di verità.