Come chjurrédda méa

 

Littara di Don Birraldinu Pes (anch’egli abate) a lu fratili Don Baignu, pal falli lu ritrattu di l’amanti soia.

 

 

Come chjurrédda méa

no ci n’à, ne cinn’arréa

a la so’ elmusura.

 

 

E’ digna d’ammirassi

no però d’imitassi

pa’ riciranni è nata.

No è d’àbbili dassi

un’alta d’aggalassi

a la mé’ istimata,

sibbè sia lampata

in una limbicata

tutta la ciuintura.

 

 

Come chjurrédda méa

no ci n’à, ne ci n’arréa

a la so’ elmusura.

 

 

Lu so’ modu è gentili,

lu so’ trattu è zivili,

lu so’ galbu è distintu.

Li diti à di malfili

chintu tantu suttili

ch’in un anédu è cintu.

Bisogna esse suzzintu;

chi mi lassa cunvintu

la supelba statura.

 

 

Come chjurrédda méa

no ci n’à, ne ci n’arréa

a la so’ elmusura.