No suspirŕ pal me…
(Don Baignu si laca l’amanti accusendila d’esse infidéli)
No suspirŕ pal me, ŕnima ‘ngratta
palchě non č piů tóiu lu me’ córi.
No pigně piů pal me, bedda ‘ncustanti,
palchě č infruttuósu lu tó’ pientu:
no malugrŕ li dě, l’óri, l’istanti
incumandendi suspiri a lu ‘entu;
in me piů no pinsŕ, fingida amanti,
usa cu’ alti lu tó’ fingimentu:
lu tó’ tulmentu piů no mi maltratta
no mi so’ cari piů li tó’ faóri.
No suspirŕ pal me, ŕnima ‘ngratta
palchě non č piů tóiu lu me’ córi.
Lassami in paci, o ŕnima crudéli,
cilca l’amanti nói, e lassa a me;
invanu piegni, invanu ti disvéli,
chi eu no pensu piů vulétti be’;
si no piů bedda forsi piů fidéli
l’alta ch’aggj’a amŕ, sarŕ di te,
cussě č, chi illu mundu no s’agatta
córi uguali a lu tóiu ‘ngannadóri.
No suspirŕ pal me, ŕnima ‘ngratta
palchě non č piů tóiu lu me’ córi.
Ancora chi tu ŕggji piů biddesa
di l’alta, chi mi de’ tuccŕ in solti,
sempri de’ valč piů la so’ sudesa
di canti grazii illa tó’ cara polti;
chi la tó’ incustanzia e liciresa
pal piů chi bedda sěi, č una molti
piů no mi svolti, d’olvidammi tratta,
chi no mirésci piů lu mé’ amóri.
No suspirŕ pal me, ŕnima ‘ngratta
palchě non č piů tóiu lu me’ córi.
Chidda, a ca’ décu prufissŕ affettu
di te piů bona leggji de’aé;
la só’ ’iltů lu só’ sinzéru affettu
piů di li tó’ primóri de’ valé;
lu tó’ ‘anu; cant’č vistósu aspettu,
incatinammi piů no dé’ pudč
palchě sé’ falza, e falza d’una datta
chi no ŕi spiranza di middóri.
No suspirŕ pal me, ŕnima ‘ngratta
palchě non č piů tóiu lu me’ córi.
Godi di la gustósa silvittů,
chi póni fatti chiss’amanti nói;
perň di me no tinn’ammintŕ piů,
ch’aggju di ca’ sé’ tu bastanti prói:
la tó’ incustanzia, la tó’ ingratittů
da la tó’ bedda cara mi rimói.
Da mani tói dě, ca’ mi riscatta
si ti crédu alta ‘olta, o traditóri?
No suspirŕ pal me, ŕnima ‘ngratta
palchě non č piů tóiu lu me’córi.
Incapazzi di fatti un tradimentu,
sapii, ch’éra la me’ ‘ulintai
di liciresa un’umbra,un muimentu
no m’aaristi datu in cara mai;
la tó’ faccilitai, e pocu assentu
da tuttu chidd’affettu mi ritrai.
Chidd’amistŕi pal sempri č isfatta,
e l’abburrissimentu piů no móri.
No suspirŕ pal me, ŕnima ‘ngratta
palchě non č piů tóiu lu me’ córi.