Intes’aggju dì chi c’à…
(candu a l’amanti di Don Baignu vinisi falzamenti rifirutu chi iddu no la ‘ulìa più bè)
Intes’aggju dì chi c’à
gjenti in dì mali di me
chi no ti ‘oddu più bè
chissu è lu contu chi poltu
ancora dapoi moltu
si possu ti décu amà.
Si toccani chistu puntu
di ridittinni ti dicu,
e di stà di me sigura
chi dec’ancora difuntu
cun mécu l’amór’anticu
pultà a la sippultura.
A me pari cosa dura
lu pudétti abbandunà.
Li chi si so attriìti
a dì chi t’aggju lassatu
ani fatt’un mann’erróri,
palchì cìnnari friti
di chist’amanti ‘ntarratu
den’accindissi d’amori.
Comu si de’ lu me’ cori
a l’òlvidu assuggjittà?
Comu po’ viné chiss’óra
chi eu no ti sia amanti
sempri ch’aggja lu rispiru?
Si suttu tarra ancóra
t’aggj’a mandà gjugna ‘stanti
d’amant’un caldu suspiru?
Comu c’à gjenti m’ammiru
chi lu póssa ‘mmaggjinà.
Comu possu chissu toltu
fatti, nemm’annc’aé briu
di pinsallu, si m’agattu
s’illu me’ cori moltu
sarà impress’a lu ‘iu
lu to’ ùnicu ritrattu?
E saraggju ‘n vita ‘ngrattu
a ca’ la ‘ita mi dà?
Ho sentito dire che c’è…
Ho sentito dire che c’è/gente che dice male di me/che non ti voglio più bene/io quello che penso è/ che anche dopo morto/se posso ti devo amare./Se toccano questo punto/ti invito a riderne,/sta sicura di me/perché devo, anche se defunto,/con me l’antico amore/portare alla sepoltura./A me pare cosa dura/il poterti abbandonare./Quelli che si sono azzardati/a dire che ti ho lasciato/hanno commesso un grande errore,/perché le ceneri fredde/di questo amante sotterrato/si accenderanno d’amore./Come può il mio amore/ assogettarsi alla dimenticanza?/Come può venire l’ora/che io non ti sia amante/fino a che abbia respiro?/Anche se fossi sottoterra /ti manderei ogni istante /un caldo sospiro d’amante?/Eppure c’è gente che ammiro/che riesce ad immaginarlo./Come posso questo torto/farti, né avere la forza/di pensarlo, se esisto,/ se nel mio cuore morto/sarà impresso e vivo/il tuo unico ritratto?/Come posso essere ingrato/ con chi la vita mi dà?