Cuntrastu
(di Don Baignu e l’amanti in una notti d’ea candu cilca riparu i casa d’idda)
Poeta
Gjésu! Chi timpistài…
in bon’óra stanotti socu ‘sciutu
chiddu tempu suài
cussì in una in una s’è paldutu;
chist’ea no à fini
palchì lu céli la lampa a caggjini.
Gjacch’è cussì piuendi
Cansà mi ‘oddu chici unde cummari:
idda sarà cinendi…
però luci no v’à. Drummendi pari:
lu sonnu vill’à fatta…
o gjenti v’à chi tratta, e chi cuntratta?
Un cuntrasteddu bassu
intengu, si l’aricchji no m’inganna;
eu però no lassu
pal cassisia di ciuccà la ‘janna.
O di casa patroni,
abbrìtimi chi socu gucciuloni.
Amanti
Cal’è chissu ‘mpultunu,
chi di fassi a curracchja à gana fora?
Eu mai a nisciunu
nemmancu a babbu méu abbru a chist’óra;
ti pensi chi socu éu
di chissi feminéddi in cancalléu?
Poeta
Primma mi cunniscìi
solu a lu pedisùgnulu, a l’alenu
abà mi cacci e dii
chi socu unu ‘mpultunu un omu angenu.
Eu socu lu ch’éra
più di tre ori cun tecu staséra.
Amanti
Uaih lu mé maggju!
Tu se’ chissu? Gjà t’abbru abali, abali:
cunnisciutu no t’aggju
cumpari méu, cant’aggja mali!
Aspetta chi mi ‘estu
e pal chissu no t’abbru tantu prestu.
Entra lu mé’ cunsólu
e middi ‘olti ben vinutu sii!
Gjà sé’ ‘inutu sólu
senza li to’ infadòsi cumpagnii:
cussì sólu andi bè’,
e cussì sóla sóla incontri a me.
Poeta
A chissu no cuntestu,
ch’è vantu di li femini di l’usu:
fà luci, e focu prestu
pal Deu, chi m’incontru tuttu ‘infusu
a più chi a lu carruggju
dai chi dì a chist’óra a lu buggju.
Amanti
Pal chistu illa carréra
No m’ani mai criticatu ancóra,
palchì di ‘jugna sera
chi mi pongu in lu lettu chist’è l’óra;
in lettu, beni meu;
è undi precu e m’incumandu a Déu.
Poeta
Lu to’ lettu era eddunca
L’altari di li to’ diuzioni?
E in iddu s’abbrunca
lu fócu di li to’ orazioni?
Pudissi chissu dammi
calóri cantu basta a asciuttammi!
Amanti
Chist’è l’espedienti
chi sólu par abà aggju a la manu
palchì presentementi
pal fa fócu no aggju mezu umanu
postu ch’in chistu lócu
istanotti no c’à tidda di fócu.
Poeta
No t’affliggjì, ti précu
iscì ni demu da chistu cunflittu.
Palchì poltu cun mécu
sempri lu me’ fucinu, e lu mucchittu,
e décu, ci c’à ligna,
fà fócu pal brusgià meza Saldigna.
E vidi cantu faci
fócu lu mé’ fucinu binidittu
cussì in paci in paci
cu lu luchettu accendu lu mucchittu
cussì senza riparu
videcci demu alumancu di paru.
Però si no m’ingannu
un’umbra ‘icu daret’a lu lettu
o aggju a l’occhji impannu,
o chissu è omu, ch’ammetti in sigrettu,
ditta l’ani e da candu…
chi teni in casa chissu cuntrabbandu.
Amanti
Chi se’ fóra di tinnu!
Cal’è lu ruspu ch’ài bumbitatu?
Sempri saré’ piccinnu,
sempri gjilósu, sempri spiritatu?
Petru Moru tutt’issu!
Chi l’immàggjina ‘ia se’ di chissu.
Li to’ zéli tiràni
mi facini rumpì in chiss’ezzessi:
no è omu ch’è cani,
è cani ch’è intratu abà mattessi;
tirriù passa fóra
mira chi fuggji: e no lu credi ancóra.
Poeta
Chi femina chi sé’
Nata par avvilì la to’ gjinìa!
Comu possu cridé,
chi l’omu ch’è isciutu cani sia?
Chissu, celtu, è un cani,
chi polta dui pedi e dui mani.
Chissu cani è ben postu:
chiss’è un cani ch’anda ben vistutu:
camina drittu, e tostu,
e a son di calzari c’è isciutu
a li boni cristiani
dai a cridè chi chissu sia cani?
Amanti
Gjustizia mi pàchia!
Ira di Déu, fala, a candu stai?
Chi lu céli mi làchia
senza ‘inditta no lu credu mai.
Maria! Chi falzoni!
Un cani l’è parutu omu in calzoni.
La me’ fidi suprata
lu me’ bon fà a chistu si riduci,
iscura la me’ fata!
Chistu s’intendi pesu! Chist’è gruci
candu ti ‘icu sbarru:
lu sta cu un gjilosu è un infarru.
Eu ammittinni un altu!
Ah cani ritaddatu senza fidi!
Cancu molghia in paltu
cantu subbra di me nisciunu ridi:
cancu m’èntria prunu
cantu, si no se’ tu, abbru a nisciunu!
Poeta
No vóddu fa più cheltu
pal chista falta, né più chistioni:
chi procuri t’avveltu,
cunsalvà la tó’ bona opinioni:
no mi dà più muttiu
di lagnammi di te, adiu adiu.
Amanti
Anda in paci a culcatti;
pensa chi t’amu e no ti focciu toltu;
no timì d’ingannatti
pal chissu drommi puru a sonnu scioltu
anda maccu Bistoldu
chi cu’ altu mi scialu lu tó’ soldu!
Tuttu s’à ingudditu
lu colciu maccu, e agabbatu in fundu,
ingannemu un maritu
cantu più chistu simplici di lu mundu.
Basta cun dui fàuli
aggju salvatu la capra e li càuli.
L’ingannà a chist’omu
no è gran próa, palch’è maccu in tuttu
lu gustu è vidè comu
li femini ingannemu un omu astutu.
Prutistemu d’amallu
e lu firimu ill’attu d’abbracciallu.
Chistu colciu nuscentri!
Cussì sìani tutti, come iddu!
Feltu a conca, e a ventri
eu d’ingannallu gran gustu mi piddu.
Sutt’a la frassatédda
silli ‘endi lu céli pa’ padedda.
Di sapè ingannà
ci piddemu li fèmini lu ‘antu
illu mundu no c’à
omu chi fingì sàppia altettantu;
no amemu a nisciunu
chi l’ingannu, e la femina è tuttunu.
Si no demu un disgustu
gjugna momentu a ca’ pal noi móri,
no ci piddemu gustu:
né lu bon pruzidì ci tocca córi;
chi la nostra alligrìa
è lu ‘idé l’amanti in agunìa.
Lu chi bon sangu faci
e chiddu chi ci faci più mal sangu:
lu bonu no ci piaci,
chi lu nostru riposu è illu fangu
e pa’ leggji fatali
trattemu bè a ca’ ci tratta mali.
Chist’è lu nostru trattu,
chisti li nostri beddi galitài
no mantinimu pattu
femu lu chi no dìami fà mai
cun tuttu no pudeti
lassacci, sicculari, frati e preti.
Dialogo
Poeta: Gesù che tempesta…/sono uscito in buon’ora stanotte!/ Quel tempo soave/così di colpo si è perso;/questa pioggia non ha fine,/il cielo la butta giù a secchi./Visto che piove/mi voglio fermare qui, da mia comare:/ forse lei sta cenando…/però non vedo luce, forse dorme:/ l’ha sopraffatta il sonno…/oppure c’è gente che tratta o contratta?/Un chiaccherio sottovoce/ sento, se l’orecchio non mi inganna;/e io però non tralascio/chiunque sia di bussare alla porta./ Padrone di casa,/aprimi perché sono bagnato fradicio.
Amante: Chi è quell’importuno/che lì fuori ha voglia di farsi come una cornacchia?/Io mai a nessuno/neanche a mio padre apro a quest’ora/cosa credi che sono io/forse una di quelle donne leggere?/
Poeta: Prima mi riconoscevi/dal mio modo di camminare, dla respiro/ora invece mi cacci e dici/che sono un importuno e un estraneo?/Io sono quello che era/più di tre ore con te, stasera.
Amante: Ah mio tesoro!/ sei proprio tu? Ora ti apro/compare mio, che mi venga un male!/aspetta che mi vesto/e per questo che non ti apro tanto presto.
Entra mio bene/e sii benvenuto mille volte!/Vedo che sei venuto solo/senza quelle tu compagnie fastidiose:/io ti voglio così, solo/e così sola incontrerai me.
Poeta: Non contesto quanto dici/perché è vanto e usanza delle donne:/fai luce e fuoco presto/per Dio, che sono bagnato fradicio./per giunta il vicinato/sparla nel vedermi a quet’ora, al buio.
Amante: Per questo motivo nella via/ancora non mi hanno criticato/perché ogni sera/è questa l’ora in cui mi metto a letto;/ed è nel letto mio bene/che io prego e mi raccomando a Dio.
Poeta: Il tuo letto era dunque/l’altare delle tue devozioni?/ E in lui si attizza/il fuoco delle tue orazioni?/Potessi questo darmi/calore quanto basta ad asciugarmi!
Amante: Queto è l’espediente/che solo per ora ho a portata di mano/perché in questo momento/per far fuoco non ho mezzo umano/posto che in questo posto/ stanotte non ci sia nemmeno una piccola brace.
Poeta: Non ti affliggere, ti prego,/dobbiamo uscirne da questo conflitto/perché porto con me/sempre il mio acciarino e il mio moccolo/ e posso,se c’è legna,/fare fuoco per bruciare mezza Sardegna.
Così puoi vedere quanto/accende il mio acciarino benedetto;/così in pace in pace/con l’acciarino accendo la candela/e senza riparo/riusciamo a vederci in faccia.
Però se non mi inganno/vedo un’ombra dietro il letto/o ho gli occhi appannati/oppure quello è un uomo che ospiti in segreto/lo dicevano da tempo…/che hai in casa questo contrabbando.
Amante: Sei fuori di senno/quale è il rospo che hai vomitato?/Rimarrai sempre un bambino /sempre geloso/sempre indemoniato?/Pietro Moro(il padre), uguale!/Sei la sua immagine
I tuoi zeli tiranni/mi fanno rompere in certi eccessi:/non è un uomo, è un cane/un cane che è entrato proprio adesso;/Tirriù…passa via/guardalo che fugge se ancora non ci credi!
Poeta: Che donna sei/nata per avvilire la tua genìa!/come posso credere/che l’uomo che è uscito sia un cane?/Quello di certo è un cane/con due piedi e due mani.
Quel cane è ben messo:/quello è cane che va ben vestito/cammina diritto e tosto/e a suon di scarpe è uscito/e tu ai buoni cristiani/dai da credere che quallo sia un cane?
Amante: Che la Giustizia mi ripaghi,/ira di Dio, scendi, cosa aspetti?/Che il cielo mi lasci/ senza vendetta non lo crederò mai./Gesù-Maria che uomo falso!/Un cane, gli è sembrato un uomo in pantaloni.
La mia fede eccessiva/il mio buon modo di comportarmi a questo si riduce/me meschina!/Questo è da intendersi un peso, una croce/quando ti vedo chiudo/stare con un geloso diventa un inferno.
Io ammetterne un altro!/Ah avanzo di cane senza fede!/Che possa morire di parto/quanto su di me nessuno sparla:/che mi possa entrare una spina/se apro a qualcuno che non sei tu!
Poeta: Non voglio chiedere altro/per questa mancanza, né fare altre questioni:/poiché procuri, ti avverto/di conservare la buona opinione./ Non mi dare più motivo/di lagnarmi di te, addio addio.
Amante: Vai in pace a coricarti/pensa che ti amo e non posso farti un torto/non avere paura che io ti inganni/e dormi pure tranquillo nel sonno./Vai povero sciocco/che con altri spendo i tuoi soldi!
Si è bevuto tutto/il povero matto, sino alla fine./Inganniamo un marito/nel modo più semplice del mondo./Sono bastate due bugie/per salvare capra e cavoli.
Ingannare questo uomo/non è una grande prova perché è matto del tutto/il gusto è vedere come/le donne inganniamo un uomo astuto./Diciamo d’amarlo/e lo feriamo quando lo abbracciamo.
Questo povero innocente!/Se fossero tutti come lui!/fuori di testa e di ventre(allude al basso ventre)/io godo nell’ingannarlo./Sotto la coperta/gli vendo il cielo per padella.
Di riuscire ad ingannare/noi donne ci vantiamo,/nel mondo non c’è/ uomo che sappia fingere altrettanto;/non amiamo nessuno/perché l’inganno e la donna sono tutt’uno.
Se non diamo un dispiacere/ogni momento a chi per noi muore/non ci divertiamo/neppure il buon comportamento ci appaga il cuore,/perché la nostra allegria/stà nel vedere l’amante in agonia.
Quello che fa buon sangue/è quello che ci fa più mal sangue/il buono non ci piace,/e il nostro riposo è giù nrl fango/e per legge fatale/trattiamo bene chi ci tratta male.
Questo è il nostro profilo/queste le nostre belle qualità/non manteniamo patti/facciamo quello che non dovremmo fare mai,/nonostante tutto non potete/lasciarci, per sempre, frati e preti.