Tu si … nottaiÓla

Tu si

chi l’ài intésa

ùmmida innant’a l’ossi

la fumaccia

finz’a abbambacàtti l’ànima

ignò

illu caminu di lu poltu.

Tu si

a li débbili lampioni

ài lacatu una làgrima

una pricadurìa

e a li ‘olti una gjastima

illi notti di l’affasciu

e di lu disispéru.

Chi’ undi l’umbri

si cùrrini pari pari

no v’à più sonnii

a bucaccilli

e di l’asetti no felma

si no che un dumani

chena tinti dilicati

pa’ una spiranza.

Tu si

chi pói dì a lu mundu

di ca’ saóri ràncicu è

la ‘iritai

e cantu ill’ignuttì

pena lu córi

chi di l’orgógliu priu

no à più folza.

Tu si

fuggji la ‘ita

e affac’a mani no ambari

la ‘sciuta di lu sóli

a turrattinni

lu sóli chi gjugna dì

esci pal tutti

ma chi a te

abà

no pó’

scalditti più.