SOLI PALCHI’ TI PESI ?

                                                                 (Premio Durgali 2005)

Soli palchì ti pesi

si no voddu?

Illu me’ buggju,

tìmidu, rigoddu

làgrimi di pientu.

E no v’ha ventu

chi possia asciuttàlli,

nemmancu la to’ luci

pò filmàlli

o lu to’ caldu.

E tu tistaldu

alluttu ti prisenti,

chena rispettu

chena cumpassioni

riultulìggj tuttu

e chena una rasgioni

ti suppesi.

Li maggjni,

li sonnìi,

illa me’ menti

sciutu e addocu…

e tu…

…tu spigni lu focu

ch’è di tinè incesu.

Eppuru tu lu sai…

…gjà m’hai cumpresu!

Però suppesi

chena dammi ascultu,

a l’impruisu

sualzi affultu,

cussì,

tra capu e coddu…

… soli…

…palchì ti pesi

si no voddu?

Sole perché ti levi ?

Sole perché ti levi/se non voglio?/Nel mio buio,/timido, raccolgo/lacrime di pianto./E non c’è vento/che possa asciugarle,/nemmeno la tua luce/può fermarle/o il tuo caldo./E tu testardo/vivace ti presenti,/senza rispetto/senza compassione/rivolti tutto/e senza una ragione/ti levi./Le immagini,/i sogni,/nella mia mente/risveglio e conservo…/… e tu…/ …tu spegni il fuoco/che devo tenere acceso./Eppure tu lo sai…/… mi hai ben compreso !/ Però ti levi/senza darmi ascolto,/all’improvviso/ti alzi di nascosto,/così,/tra capo e collo…/…sole…/…perché ti levi/se non voglio?