A gjugna cioccu di gjanna
(Premio Prantaferru 2005)
A gjugna cioccu di gjanna
aggju ‘ntesu illa schina
lu zuddoni
e lu sudori illa fronti
curritu m’è a rii
illi rantuli rancichi
cuati e nicati
a la luci calda e dulci
di lu soli.
Aggju moltu pa’ sempri
illi stanzi buggj
ummidi di muffa
l’asetti
calpiti a la mimoria
chì lu dumani no à
boci e ne gridu
chi possia aggradissì.
A gjugna cioccu di gjanna
custrintu s’è l’affasciu
e strintu lu rispiru
a nicammi chiddu nuscu
cilcatu si mai e mai
illi piggi curriazzi
di lu sintitu.
Lacatu aggju a lu ‘entu
di li me’ intragni
l’ultimi trubbei
a pultaccilli allonga
‘eldi lu mari
pa’ sminticalli e più
a disviammi
chì chista beltula
abà
no villa faci a mantinè
ne sonnii e ne disici
in chistu caminu chena tempu
chi lentu cola
e solu ambaru
a gjugna cioccu di gjanna.
Ad ogni bussare di porta/ho sentito correre lungo la schiena/i brividi/e il sudore sulla fronte/è corso a fiumi/per i rancidi rantoli/nascosti e negati/alla calda e dolce/luce del sole./Ho stroncato per sempre/ nelle stanze buie/umide di muffa/le aspettative/scalfite nella memoria/perché il domani non ha/voci o grida/che posso gradire./Ad ogni bussare di porta/forzato si è l’affanno/e accorciato il respiro/a negarmi quel profumo/da sempre cercato/nelle pieghe coriacee/del sentimento./Ho lasciato al vento/delle mie viscere/le ultime pastoie/per portarle lontano/verso il mare/per dimenticarle/e non pensarci più/perché questa bisaccia/ora/non riesce più a contenere/né sogni né desideri/in questo cammino senza tempo/che trascorre lento /e rimango solo/ad ogni bussare di porta.